Pontedeume, retrato dunha vila

Os altos cargos da Xunta de Galiza cobrarán, a partir de agora, un salario anual de 15.000 euros de por vida. Entre estes estarán o presidente, conselleiros , directores xerais e directores xerentes.

Unha nova de última hora:

A reforma da función pública tamén lle dá o sobresoldo a ex alcaldes e deputados

O descubrimento deste novo privilexio que pasara inicialmente desapercibido serviu para que este martes e desde o Movemento pola Igualdade no Emprego Público cualificasen unha vez máis de "cacicada" a reforma e criticasen un privilexio que concede "un sobresoldo de por vida por un traballo que non van exercer". "É impropio dunha sociedade democrática avanzada", láianse. (Lido en Vieiros)

Non todo vale co fin de conseguir o obxectivo. Sobre todo cando ese obxectivo non tiña unha liña clara sobre cal sería a forma máis axeitada de gobernar. A impresión que se tiña en vésperas electorais era que o COE quería chegar a gobernar polo simple feito de facelo. Mais nunca se preguntaron se esa tarefa lles quedaría grande. O certo é que os membros desta agrupación electoral (non confundir cun partido político) non estaban preparados nin política nin intelectualmente para dirixir os destinos do concello de Pontedeume. Dende a súa aparición como grupo non demostraron outra cousa que o seu baixo nivel cultural e político. Aos panfletos nos remitimos. Uns escritos que, lonxe de avergoñalos, servíronlles para auparse ao salón de plenos coa inestimábel axuda dos que estaban fartos de soportar aos chachos, belarminos e reis (a eses votantes habería que lembrarlles que se non lles gusta a súa parella, non están obrigados a escoller outra. A soidade é unha opción válida como a que máis).

A función de goberno demanda aos que a exercen unha entrega desinteresada en favor do ben público que se xestiona. Calquera intromisión dos intereses privados non fai máis que entorpecer ou liquidar ese labor. Descoñécense as causas reais das diverxencias entre os concelleiros do COE pero non deixa de chamar a atención que se produzan precisamente cando acceden ao poder. En boa lóxica podemos afirmar que o protagonismo ou as prebendas son a causa das desavenencias.

Cremos que o pobo de Pontedeume errou ao elexir os seus representantes. Un erro que se repite na tempo. Pode que os que se presentan nas eleccións non sexan os máis adecuados mais iso non nos obriga a outorgarlles a nosa confianza. O que non sabemos é o por que só os interesados, corruptos e incopetentes son os que queren gobernar. Onde están os homes e mulleres xustos é un misterio. Quizais non existan. Quizais formen parte dunha especie extinguida no 36.

La Voz de Galicia