GASTRONOMÍA EUMESA
ascroas — 12-07-2007 GTM +1 @ 20:14
Restauradores de toda a comarca continúan eloxiando a calidade dos utensilios de aceiro inoxidable da colección de La Voz. Onte mesmo, Inmaculada Sánchez Leira, propietaria do restaurante Río Covés, de Pontedeume, sumaba a súa voz á de quen sinalan que estes utensilios unen, á calidade da súa fabricación e á beleza do seu deseño, a calidade de posuír unha extraordinaria resistencia ao uso; é dicir, unha gran durabilidad.
«Pratos eumeses»
«Nós estamos especializados en pratos eumeses», sinalaba onte a propietaria do restaurante Río Covés, Inmaculada Sánchez. «Entre as nosas especialidades -explica- están sobre todo os peixes, preparados de moi diferentes maneiras, como por exemplo en escabeche. Tamén, preparamos, por exemplo -engade Inmaculada Sánchez- sardiñas lañadas, recuperando un método de conservación moi antigo, e propio tamén desta comarca nosa. Gústanos recuperar pratos moi tradicionais, eses pratos que preparaba miña avoa, pero por suposto adaptándoos ao noso tempo».Un exemplo desa adaptación será, explica a propietaria de Río Covés, «a costrada, que é un prato eumés medieval que nós facemos buscando que resulte máis lixeiro do que antes era, porque se trata dunha empenada de varios pisos». Outro aspecto ao que neste restaurente prestan unha especial atención é o da repostería: «A miña irmá, María José, que se encarga diso, está conseguindo recuperar uns sobremesas realmente marabillosos», conclúe.
Esta é a noticia que publicaba La Voz de Galicia. Un tema que nunca antes tocamos aquí é o da gastronomía típica da terra dos Andrade. E é menester facelo porque abofé que tal gastronomía existe. En Pontedeume pódese degustar unha serie de pratos e postres, sobre todo estes, que moi poucas localidades teñen. Algúns son exclusivos desta terra e o que se leva a palma é a famosa costrada. Si será boa que un gourmet exquisito desta especialidade é o anterior presidente da Xunta e ex-ministro de Franco, Fraga Iribarne. Hai máis de 30 anos este político xa probou este prato eumés. Dende entón, os "populares" de Pontedeume ofrécenlle unha comida anual ao Sr. Fraga na que a costrada é a verdadeira protagonista. Nós tamén probamos a costrada, pero a de sempre, a feita a base de carne. Podemos dicir que se trata dun plato exquisito no que o maior acerto é sen dúbida a masa. O resto de ingredientes o compoñen polo, raxo, xamón, pementos, ovos, allos, etc. Nada especial que calquera sabería facer se non fose pola masa. Hai tamén outra costrada de marisco pero esta xa é para xente pudiente.
Curiosamente a propietaria da Cantina do Río Covés anuncia que o seu local ofrece unha costrada máis lixeira que a tradicional. Quen lle diría que a tradicional non o é? Para conseguilo non dubida en alterar a composición do prato ata estremos indecibeis. Introduce setas e peixes que nunca antes formaron parte da costrada. Calquera parecido coa orixinal é pura coincidencia. Unha lección si podemos sacar desta aventura profesional e é que a Escola de Hostalaría de Pontedeume está a enganar aos seus alumnos coa expedición duns títulos que en nada sirven. Calquera pode ser un afamado restaurador; calquera pode modificar a tradición gastronómica ao seu gusto. Ou mellor, ás súas necesidades. Que aprendan os de gaseosas La Casera. Se non saben a fórmula de Coca Cola, que inventen unha mais lixeira. Pódenlle poñer o mesmo nome e aquí non pasa nada. Acaso en Sudáfrica non alteraron a composición de Colgate? Por que íamos ser diferentes en Pontedeume?
Chúzao
del.icio.us
Quizais un dos maiores misterios da vila dos Andrade sexa o C.O.E. (Círculo de Opinión Eumés). Unha agrupación de amigos que un día deciden xuntarse para criticar ao alcalde. E fano lanzando unhas octavillas que se distinguían pola simplicidade dos plantexamentos, cun candor propio de profanos en política e de quen menospreza aos lectores.
